365.
विचारावाचून । न पविजे समाधान ॥१॥
देह त्रिगुणाचा बांधा । माजी नाही गुण सुदा ॥धृपद॥
देवाचिये चाडे । देवा द्यावे जे जे घडे ॥२॥
तुका म्हणे होते । बहु गोमटे उचिते ॥३॥

अर्थ :
विचारा वाचून समाधान प्राप्त होत नाही. विचार करताना हा देह त्रिगुणा पासून तयार झालेला आहे कोणताही गुण परमार्थ करण्यास अनुकूल नाही हा विचार करावा. त्यामुळे कोणतेही कर्म केलेले असो ते कर्म देवाला अर्पण करावे. तुकाराम महाराज म्हणतात म्हणजे आपण कोणतेही कर्म देवाला अर्पण केले तर ते कर्म योग्य आणि उचित ठरते.