510.
आधारावाचुनी । काय सांगसील काहाणी ॥१॥
ठावा नाही पंढरीराव । तोवरी अवघेचि वाव ॥धृपद॥
मानिताहे कोण । तुझे कोरडे ब्रम्हज्ञान ॥२॥
तुका म्हणे ठेवा । जाणपण एक सवा ॥३॥

अर्थ :
आधाराशिवाय म्हणजे अनुभूती शिवाय कोणत्याही गप्पागोष्टी कश्या काय सागतो ? जो पर्यंत पंढरीरायाचे खरे स्वरूप समजले नाही, तोपर्यंत नुसते ज्ञान संपादन करून काय उपयोग ? भक्ती शिवाय कोरडे ज्ञान काय उपयोगाचे ? ते कोण बरे ऐकणार ? तुकाराम महाराज म्हणतात तुम्हाला विठ्ठलाचे विशाल स्वरूप जाणून घ्यायचे असेल. तर ज्ञानाचा अहंकार दूर ठेवा.