3335.
कोणे तुझा सांग केला अंगीकार । निश्चिंत त्वा थोर मानियेली ॥१॥
कोणे ऐसा तुज उपदेश केला । नको या विठ्ठला शरण जाऊ ॥धृपद॥
तेव्हा तुज कोण घालील पाठीसी । घासील भूमीसी वदन यम ॥२॥
का रे नागवसी आयुष्य खातो काळ । दिवसेंदिवस बळ क्षीण होते ॥३॥
तुका म्हणे यासि सांगा कोणी तरी । विसरला हरी मायबाप ॥४॥

अर्थ :
तुझा कोणी अंगीकार केला की, तू त्याला थोर मानतो. विठ्ठालाला शरण जावु नको, म्हणून तुला कोणी उपदेश केला आहे का ? जेव्हा यम समोर येईल तेव्हा तुला कोण पाठीशी घालेल. काळ क्षणाक्षणाने तुझे आयुष्य खात आहे; त्यामुळे तुझे बळ दिवसेंदिवस कमी होत आहे. तुकाराम महाराज म्हणतात, आशा नास्तिकाला कोणीतरी माय बाप परमेश्वराची अठावन करुण दया ; कारण तो त्यालाच विसरला आहे.