1407.
जग ऐसे बहुनावे । बहुभावे भावना ॥१॥
पाहो बोलो बहु नये । सत्य काय सांभाळा ॥धृपद॥
कारियासी जे कारण । ते जतन करावे ॥२॥
तुका म्हणे संतजनी । हे चि मनी धरावे ॥३॥

अर्थ :
त्रिविध गुण, अनेक नावे, अनेक रूपे ज्या ठिकाणी आहे त्याला जग म्हणतात. त्यामुळे इतर काही पाहू नये, जास्त बोलू नये आणि जे सत्य आहे त्याचे रक्षण करावे. जगामध्ये उदार निर्वाहा पुरताच व्यवहार करावा किंवा आपले जे मुख्य कार्य आहे (हरी प्राप्ती) या कार्‍याचे कारण हरिभक्ती चेच जतन करावे. तुकाराम महाराज म्हणतात मी जे काही तुम्हा संत जणांना सांगितले आहे तेच तुम्ही जतन करा.