692.
माझी प्रकृति निष्कृति जाली ।
ब्रम्ही सामावली बाईये वो ॥१॥
देहेंवीण ब्रह्म देखे देहेवीण ब्रह्म देखे ।
तेणे निर्गुण राखे रोखावले ॥२॥
जाणता म्हणोनी नेणता पै गेले ।
शेखी आपणाते विसरले बाईये वो ॥३॥
रखुमादेविवरू नेणोनी जाणितला ।
जाणपणे निमाला माझ्या ठायी ॥४॥

अर्थ :
माझी प्रकृति निष्कत्ती म्हणजे क्रियाशून्य होऊन ब्रह्माच्या ठिकाणी सामावली. ते ब्रह्म देहात्मभाव टाकूल पहा, जो असे ब्रह्म पाहील तो निर्गुण रूपाने होऊन जाईल. आम्ही परमात्मस्वरूप जाणले असे जे अभिमानाने म्हणतात. त्यांना परमात्मस्वरूप कळले नाहीच. शेवटी अशा ज्ञानाच्या अभिमानाने आपल्या स्वरूपास मात्र विसरतात. माझे पिता व रखुमादेवीचे पती जे श्रीविठ्ठल ते ज्ञानाचे विषय नाही असे समजून मी जाणला. त्यामुळे तो ज्ञानरूपानेच माझ्या स्वरूपांच्या ठिकाणी ऐक्य पावला. असे माऊली सांगतात.