733.
मूळ करण सत्ता । नाही मिळत उचिता ॥१॥
घडे कासयाने सेवा । सांग ब्रम्हांडाच्या जीवा ॥धृपद॥
सागर सागरी । सामावेसी कैची थोरी ॥२॥
तुका म्हणे भावे । शरण म्हणविता बरवे ॥३॥

अर्थ :
सर्व जगताचे मूळ स्वरूप म्हणजे निर्गुण स्थिती आहे तेथे देवा तुझी योग्य सेवा करण्यास मिळत नाही. तुझी सेवा कशी घडेल तेवढे हे ब्रम्हांडनायका तू मला सांग ? सागरामध्ये दुसरा सागर समावत नसतो तसे आपणही ब्रम्हरूप झाल्यावर कशी सेवा होईल तेवढे तू सांग ? हे हरी आम्ही द्वैत ठेऊन च तुला शरण आलो आहे हेच म्हणणे बरे वाटते.