2224.
वंचुनिया पिंड । भाता दान करी लंड ॥१॥
जैसी याची चाली वरी । तैसा अंतरला दुरी ॥धृपद॥
मेला राखे दिस । ज्यालेपणे जाले वोस ॥२॥
तुका म्हणे देवा । लोभे न पुरे चि सेवा ॥३॥

अर्थ :
आई बाप जिवंत असताना त्यांची सेवा करत नाही परंतु ते मेल्यावर काही लंड लोक भाताचे पिंडदान करतात. ज्याची जशी वागणूक असेल त्याप्रमाणे हरी त्याच्या पासून अंतर ला जातो त्याच्या पासून दूर जातो. आईबाप मेलेला दिवस लक्षात ठेवतो आणि श्राद्धही घालतो परंतु जिवंतपणी त्यांच्याकडे कधी पाहतही नाही. तुकाराम महाराज म्हणतात लोभाने केलेली देवाची सेवा देवाला केव्हाच आवडत नाही.