843.
नाही मागितला । तुम्हा मान म्या विठ्ठला ॥१॥
जे हे करविली फजिती । माझी एवढी जना हाती ॥धृपद॥
नाही केला पोट । पुढे घालूनि बोभाट ॥२॥
तुका म्हणे धरूनि हात । नाही नेले दिवाणात ॥३॥

अर्थ :
हे विठ्ठला मी तुमच्याकडे काही मान मागितला नव्हता. असे असूनदेखील मला लोकांकाडून सन्मान मिळतो आहे तो देऊन माझी तुम्ही फजिती का करतात ? माझे पोट भरत नाही म्हणून मी तुमच्या नावाचा बोभाटा कधीही या जनमानसात केलेला नाही. तुकाराम महाराज म्हणतात असे असूनदेखील मी कधीही तुमचा हात धरून संतांच्या कचेरीत मी तुम्हाला कधी नेले नाही.