466.
लागलिया मुख स्तना । घाली पान्हा माउली ॥१॥
उभयता आवडी लाड । कोडे कोड पुरतसे ॥धृपद॥
मेळविता अंगे अंग । प्रेम रंग वाढतो ॥२॥
तुका म्हणे जड भारी । अवघे शिरी जननीचे ॥३॥

अर्थ :
आईने आपल्या बालकाचे मूख आपल्या स्थानाला लावले की तिला पान्हा फुटतो. त्या दोघा मध्ये परस्पराची गोडी असते, म्हणून त्या दोघाचे लाड पूर्ण होतात. लहन बाळाचे अंग कुरवाळून आईने प्रेमाने बाळाला मिठी मारली कि प्रेमानंद अधिकच वाढतो. तुकाराम महाराज म्हणतात त्या बालकाला काहीही दुखणे, भाणे झाले, तर आईला त्याची सर्व काळजी असते.