489.
दर्शनाची आस । आता न साहे उदास ॥१॥
जीव आला पायांपाशी । येथे असे कलिवरेसी ॥धृपद॥
काहीच नाठवे । ठायी बैसले नुठवे ॥२॥
जीव असता पाही । तुका ठकावला ठायी ॥३॥

अर्थ :
देवा आता मला तुमच्या दर्शना शिवाय जमणारच नाही त्याविषयी उदासीनता धरणे मला शक्य नाही मला तुमच्या दर्शनाची आस लागलेली आहे इच्छा आहे. माझा जीव तुमच्या पाया पाशी आला आहे आणि माझ्या देह हि येथेच आहे. मला दुसरे काहीच आठवत नाही. आणि बसल्या जागेवरून उठवतहि नाही. तुकाराम महाराज म्हणतात देवा मी तुमच्या पायाजवळ माझा जीव अर्पण केला समर्पित केला तरीही मला तुमचे दर्शन होईना म्हणूनच मला असं वाटत आहे की मी फसलो गेलो आहे.