2397.
आवडीचे भेटी निवे । चित्त पावे विश्रांती ॥१॥
बरवियाचा छंद मना । नारायणा अवीट ॥धृपद॥
तूळणे काही साम्या पुरे । हे तो नुरे ये रुचि ॥२॥
तुका म्हणे बरवे जाले । फावले हे कळे त्या ॥३॥

अर्थ :
आवडीचा कोणताही मनुष्य भेटला किंवा कोणीही भेटले तरी चित्ताला विश्रांती मिळते. हे नारायणा चांगल्या गोष्टीचा छंद मनाला लागलेला चांगला कारण चांगल्या गोष्टीचा कधीही वीट येत नाही. अशा समान गोष्टीला दुसरी कोणतीही तुलना नाही व त्या गोष्टींमध्ये जी गोडी आहे ती दुसरी कशातही नाही. तुकाराम महाराज म्हणतात ज्याला ही गोष्ट समजली आणि त्याचा अनुभव ज्याला आला तो चांगलाच आहे.
5:44