885.
रुची रुची घेऊ गोडी । प्रेमसुखे जाली जोडी ॥१॥
काळ जाऊ नेदू वाया । चिंतू विठोबाच्या पाया ॥धृपद॥
करू भजन भोजन । धणी घेऊ नारायण ॥२॥
तुका म्हणे जीव धाला । होय तुझ्याने विठ्ठला ॥३॥

अर्थ :
हे देवा तुझ्या जवळ जे आम्हाला प्रेमसुख लाभले आहे आता आम्ही ते प्रेम सुख आनंदाने घेऊ. आम्ही एक क्षण देखील वाया जाऊ देणार नाही कायम त्या विठोबाच्या पायचे चिंतन करू. हरीनाम रुपी भजन आणि भोजन करून आम्ही तृप्त होऊ. हे विठ्ठला तुझ्याच चिंतनाने जीव समाधान पावतो.