400.
तुज मागणे ते देवा । आम्हा तुझी चरणसेवा ॥१॥
आन नेघो देसी तरी । रिद्धी सिद्धी मुक्ती चारी ॥धृपद॥
संतसंगति सर्वकाळ । थोर प्रेमाचा सुकाळ ॥२॥
तुका म्हणे नाम । तेणे पुरे माझे काम ॥३॥

अर्थ :
हे देवा तुझ्या जवळ एकच मागणे आहे ते म्हणजे आम्हाला तुझी चरणसेवा घडावी. ऐरव्ही चारी मुक्ती किंवा सर्व सिद्धी दिल्यास तरी आम्ही घेणार नाही. आम्हाला सदा सर्व काळ संत संगतीचे प्रेमळ सुख द्यावे. तुकाराम महाराज म्हणतात तुझ्या नामानेच माझ्या सर्व कामना पूर्ण होतात.