46.
नंदे आणिविलें उभयंता राजबिंदी । गोवळे आणि गोवळी भोवंतीं जनांची मांदी ॥१॥ येवोनि चावडीये उभयंता रडती । म्हणे नंदराव कैशी कर्मांची गती ॥२॥ अकावरी बैसोनी सांवळा गदगदा हांसें । विंदान दाविले तुज बांधिलें असे ॥३॥ आमुची तू शेडीं काल बांधीन म्हणसी । न कळे देवाची माव देवे बांधिलें तुजसी ॥४॥ आता माझी गती कैशीं हरी ते सांगा । करुणाभरीत देखोनि गेले लागह वेगा ॥५॥ एका जनार्दनी करूणाकर मोक्षदानी । सहज दृष्टी पाहता सुटली ग्रंथी दोनी ॥६॥