1037.
मंगळमूर्ति सुखधामा | भक्तांचिया कल्पद्रुमा|निवृत्तीचिया पुरुषोत्तमा | नमो तुज ॥१॥
विद्या सागरा वैरागरा | संकटी माउली ज्ञानेश्वरा |भरित दाटले अंबरा | तो तू योगेश्वरा मोक्षदायी ॥२॥
मति चालविली रसाळ | संत श्रोतिया केला सुकाळ |दिधले पुरुषार्थाचे बळ | ते तू केवळ संजीवन ॥३॥
अमृतानुभव आनंद लहरी | ग्रंथ सिद्ध केला ज्ञानेश्वरी |संस्कृत प्राकृत वैखरी | वदविली माझी ॥४॥
आता मोक्षाचिया वाटा | पाहिला षड्चक्र चोहटा |आज्ञा द्यावी वैकुंठा | ज्ञानदेव म्हणे ॥५॥