39.
मन मुरडोनी डोळा लेईले ।
काळेपणे मिरवले रूप त्यांचे ॥
बरवे रूप काळे अमोलिक ।
म्हणोनिया सांगतसे शुद्ध भावे ॥
रखुमादेविवरू अगाध काळे ।
म्हणोनि सर्वत्र व्योम अर्पियेले ॥

अर्थ :
त्याचे काळेपण मिरवत असलेले रुप मी पाहिले तेंव्हा मन मारुन मी डोळ्यात साठवले. तेच काळेपण अनमोल असुन तेच मी शुध्द भावाने वर्णित आहे. ज्याने सर्व आकाश व्यापले तो रखुमाईचा पती अगाध (ठाईचा ) काळा आहे असे माऊली सांगतात.