2248.
नत्र्कोउध्दार.

नक्र बोले ऐके ह्रषिकेशी । नाममात्रे तारिले गजेंद्रासी ।
काय कृपे झाले मजविशी । आता कैसा बा मोकलूनि जासी ॥१॥
कळले तुझे देवपण आता । सोदी ब्रीद आपुले दीनानाथा ॥ध्रु०॥
दीनानाथ म्हणविसी कशासाठी । द्वैतभाव त्वा धरियेला पोटी ।
कैसे पाप लाविले माझे पाठी । तुझे रूप देखिले आजि द्दष्टि ॥२॥
दिनानाथ बोलती वेद चारी । साधुसंत गाताती नानापरी ।
सत्य ब्रीद मिरवत चराचरी । सोडी ब्रीद आपुले झडकरी ॥३॥
रज मात्रे तारिली अहिल्या शिळा । नामे करुनि उद्धरिले अजामेळा ।
पापी कैसा मी घननीळा । तुझे रूप देखिले म्या आजि डोळा ॥४॥
न्याय ब्रीद घेईन तुझे आता । पापी कैसा मी सांग दीनानाथा ।
कैसे पाप मारिले माझ्या माथा । अझूनि लाज का नये तुझ्या चित्ता ॥५॥
नक्र बोले देवासी हांसू आले । निंदा नोहे स्तवन माझे केले ।
दीनानाथे तात्काळ उद्धरिले । विष्णुदास नामा कौतुक बोले ॥६॥