429.
योग तप याचि नावे । गळीत व्हावे अभिमाने ॥१॥
करणे ते हेचि करा । सत्य बरा व्यापार ॥धृपद॥
तरि खंडे येरझार । निघे भार देहाचा ॥२॥
तुका म्हणे मानामान । हे बंधन नसावे ॥३॥

अर्थ :
संत तुकाराम महाराज म्हणतात — खरे योग आणि तप म्हणजे अभिमान गळून पडणे होय (१); करायचे असेल तर हेच करा — हा खरा आणि योग्य व्यवहार आहे (धृपद); असे केल्याने जन्ममरणाच्या फेर्‍या (येरझार) संपतात आणि देहाचा भार हलका होतो (२); तुकाराम महाराज म्हणतात — मान-अपमान यांचे बंधन राहू देऊ नका (३).