703.
विठोबा विसांविया विसांविया । पडो देई पाया ॥१॥
बहु खेद क्षीण । आलो सोसुनिया वन ॥धृपद॥
बहुता काकुलती । आलो सोसिली फजिती ॥२॥
केली तुजसाठी । तुका म्हणे येवढी आटी ॥३॥

अर्थ :
हे विठोबा तुझ्या ठायी विश्रांती आहे, मला तुझ्या पाया पडू दे. अविद्येच्या वनातील दुःख सुसून मी फार कष्टी झालो. देवा मी खूप काकुलती चालू आहे कारण मी आजपर्यंत खूप फजिती सहन करत इथपर्यंत आलो आहे. तुकाराम महाराज म्हणतात मी एवढी आटाआटी तुझ्यासाठी केली आहे देवा.