1264.
सोळा सहस्र होऊ येते । भरले रिते आह्मापै ॥१॥
ऐसे तुम्हा ठायाठाव । म्हणे देव संपादे ॥धृपद॥
कैची चिरामध्ये चिरे । मना बरे आले तै ॥२॥
तुका म्हणे पांडुरंगा । अंगसंगा भिन्न करा ॥३॥

अर्थ :
देवा तुम्ही सोळा सहस्त्र बायका करता एवढे रूप धारण करता मग आमच्या साठी वेगवेगळे रूप का धारण करत नाही ? देवा तुम्हाला कोणतेही रूप धारण करता येते, आणि त्यांची संपादणीही करता येते. देवा द्रौपदी वस्त्रहरणाच्या वेळेस द्रौपदीला वस्त्र देऊन तिचे लज्जारक्षण तुम्ही केले वस्त्रात वस्त्र केले त्यावेळी तुमच्या मनात असे करावे हे कसे बरे आले ? तुकाराम महाराज म्हणतात हे पांडुरंगा तुम्ही आम्हाला तुमच्यापासून दूर करता हे बरे नाही.