1031.
एकाएकी एकला काशीवासा गेला । स्वलीला श्रीदत्त स्वये प्रगटला ॥१॥
दत्त देव आला दत्त देव आला । स्वभाव सांडोनी भेटावया चला ॥२॥
मुक्त मंडपामाझारीं निजनाम नगरी । दत्त प्रगटला कीर्तनामाझारी ॥३॥
भेटणें भेटी उठी दत्ता आली भेटी । सांगणें ऐकणे दत्त होऊनि उठी ॥४॥
कीर्तनी आतौता नाम श्रीदत्त दत्ता । निजकीर्ति ऐकोनि डोळे तत्त्वता ॥५॥
जळा सबाह्म आंतरी मनकर्णिका तीरीं । दत्त स्नान करी आत्ममुद्रेवरी ॥६॥
दत्त जंगमीं स्थावरी विश्वी विश्व धरी । तोचि दत्त घरोघरी नित्य भिक्षा करी ॥७॥
एका जनार्दनी दत्तवचनें देख । प्रपंच परमार्थ मीच चालवी एक ॥८॥