913.
भावबळे विष्णुदास । नाही नाश पावत ॥१॥
योगभाग्ये घरा येती । सर्व शक्ती चालता ॥धृपद॥
पित्याचे जे काय धन । पुत्रा कोण वंचील ॥२॥
तुका म्हणे कडे बैसो । तेणे असो निर्भर ॥३॥

अर्थ :
हरी हा त्याच्या भक्तांच्या भाव याचा भुकेला आहे त्यामुळे हरी भक्तांचा कधीही नाश होत नाही त्यामुळे योग भाग्य शक्ती घरी चालत येतात. पित्याचे धन हे पुत्रालाच मिळणार आहे त्यापासून त्याल कोण आडवणार आहे म्हणजे देवाच्या प्रेम हे फक्त त्याच्या भाक्तालाच मिळणार आहे. तुकाराम महाराज म्हणतात आम्ही या हरीचे लहान मुले आहोत आम्ही त्याच्या कडेवर बसून निर्भय राहू आमचा सर्व भर त्याच्यावरच आहे आम्ही त्याचावर च निर्भर आहोत.