1951.
माझी आता लोक सुखे निंदा करू । म्हणती विचारू सांडियेला ॥१॥
कारण होय तो करावा विचार । काय भीड भार करू देवा ॥धृपद॥
तुका म्हणे काय करू लापनिक । जनाचार सुख नासिवंत ॥२॥

अर्थ :
आता लोक त्यांच्या सुखकरता माझी किती नींदा करायची ते करोत, ते मला म्हणतात की मी सर्व आचार विचार सोडून दिला आहे. देवा तुझी प्राप्ती कशात आहे त्याबद्दल मी विचार करीन आणि इतरांची भीड भाड धरून मी काय करू ? तुकाराम महाराज म्हणतात देवा मी लोकांना चांगले वाटावे म्हणून आता उगाच विविध प्रकारचे सोंग घेऊन काय करू कारण या लोकापासून आपल्याला होणारे सुख हे नाशवंत आहे.