1220.
तुम्हा न पडे वेच । माझा सरेल संकोच ॥१॥
फुकासाठी जोडे यश । येथे का करा आळस ॥धृपद॥
कृपेचे भुकेले । होय जीवदान केले ॥२॥
तुका म्हणे शिकविले । माझे ऐकावे विठ्ठले ॥३॥

अर्थ :
देवा तुम्ही माझ्या मनाचे समाधान केले तर तुमचे काही खर्च होणार आहे नाही. परंतु माझ्या मनातील संकोच नक्की जाईल जर तुम्ही माझे समाधान केले तर. देवा माझे समाधान केल्याने तुम्हाला फुकट ची कीर्ती प्राप्त होईल आणि जर तुम्हाला कीर्ती मिळत असेल तर तुम्ही आळस का करता‌ ? देवा मी तुमच्या कृपेचा भुकेला आहे. आणि तुम्ही जर असे केले तर तुम्ही मला जीवदान दिल्यासारखेच होईल. तुकाराम महाराज म्हणतात तुम्ही मला शिकविले पाहिजे, ही एवढी विनंती तुमच्या जवळ मी करत आहे ती तुम्ही ऐकावी.