1308.
बहुता पुरे ऐसा वाण । आले धन घरासी ॥१॥
घ्या रे फुका मोलेंविण । नारायण न भुला ॥धृपद॥
ऐका निवळल्या मने । बरव्या काने सादर ॥२॥
तुका म्हणे करूनि अंती । निश्चिंती हे ठेवावी ॥३॥

अर्थ :
परमार्थ स्वरूपाचा माल व धन सर्वाना मिळेल व फुकटचा नारायण रूपी माल कोणत्याही प्रकारची किंमत न देता घ्या. व या नारायणाला कधीही विसरू नका. मी तुम्हाला जे काही सांगत आहे ते तुम्ही शुद्ध मनाने व कान देऊन ऐका. तुकाराम महाराज म्हणतात मी सांगितलेले साधन तुम्ही साठवून ठेवा व अंतकाळी निवांत होण्याची तरतूद ठेवावी.