1294.
इंद्रियांची दिने । आम्ही केलो नारायणे ॥१॥
म्हणऊनि ऐसे सोसी । काय सांगो कोणांपाशी ॥धृपद॥
नाही अंगी बळ । त्याग करीजेसा सकळ ॥२॥
तुका म्हणे मोटे । प्रारब्ध हे होते खोटे ॥३॥

अर्थ :
हे नारायणा तू आम्हाला इंद्रियांच्या आधीन करून दिन केले आहे. देवा माझे दुःख मी कोणापाशी सांगावे ? देवा सर्वसंगपरित्याग करण्याचे बळ माझ्या अंगी नाही. तुकाराम महाराज म्हणतात माझे प्रारब्धच खोटे आहे मग त्यात नारायणाला दोष तरी का द्यायचा ?