1210.
शुद्ध ऐसे ब्रम्हज्ञान । करा मन सादर ॥१॥
रवि रसा सकळा शोषी । गुणदोषी न लिंपे ॥धृपद॥
कोणासवे नाही चोरी । सकळांवरी समत्व ॥२॥
सत्य तरी ऐसे आहे । तुका पाहे उपदेशी ॥३॥

अर्थ :
शुद्ध ब्रम्‍हज्ञान कसे असते ते मी तुम्हाला सांगतो तुम्ही मन सावध करू ऐका. सूर्य पृथ्वीवरील सर्व चांगल्या व वाईट रसांचे शोषण करतो पण तो त्यांच्या गुणदोषानी लिप्त होत नाही. सूर्य कोणाचाही भेदभाव न करता सर्वासाठी सारखाच असतो. तुकाराम महाराज म्हणतात शुद्ध ब्रम्‍ह ज्ञानाचे सत्य म्हणजे अगदी सूर्‍याप्रमाणे असते, नाही तर खोट्या ब्रम्‍हज्ञानाला पाहुन तुम्ही फसला म्हणून मी तुम्हाला उपदेश करत आहे.