34.
जया नाही नेम एकादशीव्रत । जाणावे ते प्रेत सर्व लोकी ॥१॥
त्याचे वय नित्य काळ लेखीताहे । रागे दात खाय कराकरा ॥धृपद॥
जयाचिये द्वारी तुळसीवृंदावन । नाही ते स्मशान गृह जाणा ॥२॥
जये कुळी नाही एक ही वैष्णव । त्याचा बुडे भवनदीतापा ॥३॥
विठोबाचे नाम नुच्चारी जे तोंड । प्रत्यक्ष ते कुंड चर्मकांचे ॥४॥
तुका म्हणे त्याचे काष्ठ हातपाय । कीर्तना नव जाय हरीचिया ॥५॥

अर्थ :
जो नेमधर्म एकादशी व्रत पाळीत नाही, तो प्रेतासमान समजला जावा. काळही त्याच्यावर रागाउन करकरा दात खात असतो. ज्याच्या दारामधे तुळशीवृंदावन नाही, ते घर स्मशाणा प्रमाणे आहे. ज्याच्या कुळा मध्ये एकही वैष्णव नाही त्याचे संपूर्ण कुळच भवनदि च्या त्रिविध तापात बुडते. ज्या मुखामधे विठ्ठलाचे नावच येत नाही, ते चर्मकाराचे कुंड समजावे. तुकाराम महाराज म्हणतात जो हरी कीर्तनाला जात नाही, त्याचे हात पाय लकडा प्रमाणे असतात, असे मानावे.