957.
आचरती कर्मे । तेथे कळे धर्माधर्म ॥१॥
खेळे गोवळियांसवे । करिती त्यांचे साहावे ॥धृपद॥
यज्ञमुखे घास । मंत्रपूजेसी उदास ॥२॥
तुका म्हणे चोरी । योगियांही सवे करी ॥३॥

अर्थ :
विधी पूर्वक कर्मे आचरणे मुहूर्त पाहून केलेल्या कर्माकडे पांडुरंग पाहत नाही पण शुध्द भाव असणाऱ्या भोळ्या गोपाळा बरोबर हा खेळतो त्यांचे काहीही तो सहन करत असतो. यज्ञ करतांना अनेक मंत्र उच्चार करतात पण त्यांच्या ठिकाणी प्रेम नसल्या मुळे हा हरी त्यांच्या पासून उदास असतो. तुकाराम महाराज म्हणतात हा हरी मोठ्या योगींनाही फसवितो कारण त्यांच्या मध्ये प्रेम नसल्यामुळे त्यांच्या हृदयात तो कधीही प्रकट होत नाही.