3331.
मायबापे जरी सर्पीण कि बोका । त्यांचे संगे सुखा न पवे बाळ ॥१॥
चंदनाचा शूळ सोनियाची बेडी । सुख नेदी फोडी प्राण नाशी ॥२॥
तुका म्हणे नरकी घाली अभिमान । जरी होय ज्ञान गर्व ताठा ॥३॥

अर्थ :
मायबाप सर्पिंन आणि बोक्याप्रमाने असतील तर मुलाला त्यांच्या सहवासात सुख वाटत नाही. चंदन लाकडाचा सुळ असला तरी जीव घेणार आणि सोन्याची बेड़ी असली तरी पायाना ती दुःखदायक भासनार. तुकाराम महाराज म्हणतात, एखादा मनुष्य ज्ञानी असेल आणि त्याच्या ठिकाणी गर्व, ताठा, अहंकार असेल तर तो नरकातच जाणार.