925.
बोलणेचि नाही । आता देवाविण काही ॥१॥
एकसरे केला नेम । देवा दिले क्रोध काम ॥धृपद॥
पाहेन ते पाय । जोवरी हे दृष्टि धाय ॥२॥
तुका म्हणे मने । हेचि संकल्प वाहाणे ॥३॥

अर्थ :
या हरी शिवाय आता दुसरे बोलणे व्यर्थ आहे त्यामुळे दुसरे काहीच बोलायचे नाही. असा आम्ही दृढ नेम केला आहे. काम आणि क्रोध हे देवालाच अर्पण करायचे माझ्या दृष्टीचे समाधान होई पर्यंत या हरीचे चरण कमल मी पाहणार आहे. तुकाराम महाराज म्हणतात हा दृढ संकल्प माझ्या मनात नित्य असतो.