464.
साठविला वाण । पैस घातला दुकान ॥१॥
जे ज्या पाहिजे जे काळी । आहे सिद्धचि जवळी ॥धृपद॥
निवडिले साचे । उत्तममध्यमकनिष्ठाचे ॥२॥
तुका बैसला दुकानी । दावी मोला ऐसी वाणी ॥३॥

अर्थ :
आम्ही दुकान उघडे केले आहे त्या दुकानात आम्ही नवविधा भक्तीचा माल साठविला आहे. आमचे दुकान हे असे आहे ज्याला जी वस्तू हवी असेल ती वस्तू लगेच मिळते. आमच्या या दुकानात तिन्ही दर्जाची म्हणजे उत्तम, मध्यम आणि कनिष्ट जातीची भक्ती भरून ठेवलेली आहे. तुकाराम महाराज म्हणतात मी या दुकानात बसलो आहे जो जशी किंमत सेवा रुपी किंमत देईल तसा माल मी त्याला दाखवितो.