762.
याजसाठी केला होता अट्टाहास । शेवटाचा दिस गोड व्हावा ॥१॥
आता निश्चिंतीने पावलो विसावा । खुंटलिया धावा तृष्णेचिया ॥धृपद॥
कवतुक वाटे जालिया वेचाचे । नांव मंगळाचे तेणे गुणे ॥२॥
तुका म्हणे मुक्ति परिणिली नोवरी । आता दिवस चारी खेळीमेळी ॥३॥

अर्थ :
परमेश्वराची साधना आयुष्य भर केली ती याच साठी की शेवटचा दिवस गोड व्हावा. आता मी निश्चिंत होऊन विश्रांती पावलो आहे, आता सर्व प्रकारची हाव संपली आहे. मला तर याचेच मोठे कवतुक वाटते कि या हरीचे मंगल नाम मी सदैव घेतले त्या निमित्ताने मला आत्ता प्राप्त झालेले सध्या आणि माझी अवस्था याबद्दल असून मला जास्त कौतुक वाटत आहे पूर्वी मला हरिनाम घेण्याची वेड नव्हते त्या वेळेची अवस्था आणि आता हरिनामाने प्राप्त झालेली अवस्था याचे मला जास्त कौतुक वाटते आहे. तुकाराम महाराज म्हणतात आम्ही मुक्तीशी लग्न केले आहे, उरलेले काही दिवस खेळी मेळी घालवायचे.