173.
चेतवि चेतवि सावधान जिवी । प्रकृति मांडवी लग्न वोजा ॥१॥
मातृका मायानिवेदन हरि । प्रपंचबोहरि रामनामे ॥२॥
निवृत्तिदेवी अद्वैत परणिली शक्ति । निरंतर मुक्ति हरि नामे ॥३॥

अर्थ:
हे जीवा अज्ञानाच्या झोपेतुन जागा हो ज्ञानचेतना घे हे सावधान मंगलाष्टक आहे. अविद्येच्या मंडपात माये बरोबर तुझे लग्न लागले आहे. मातृका म्हणजे मायेचे पूजन असते शक्तीची रुपे आहेत किंवा शक्ती म्हणजेच माया तिची रुपे आहेत अश्या ह्या मायिक मातृकांचे पुजन करुन त्या प्रपंचा सह रामनाम घेत त्यालाच देऊन टाक. निवृत्तीनाथ म्हणतात ती माया देऊन टाकल्यामुळे मुक्ती नावाची कन्या प्राप्त होते व तिच्याशी परिणय केला म्हणजे शक्तीरुप निरंतर मुक्ती प्राप्त होते.