2911.
सकल गुणे संपन्न । एक देवाचे लक्षण ॥१॥
वरकड कोठे काही कोठे काही । एक आहे एक नाही ॥धृपद॥
षड्गुण ऐश्वर्य संपन्न एक । भगवंती जाण ॥२॥
तुका म्हणे जेंजे बोला । तेंते साजे या विठ्ठला ॥३॥

अर्थ :
सर्व गुणाने संपन्न असणे म्हणजे हे एक देवाचेच लक्षण आहे. इतरांच्या ठिकाणी काही लक्षणे आहेत तर काही नाहीत. षडगुण ऐश्वर्य संपन्न ही एक भगवंतच आहे हे मात्र जाणून घ्यावे. तुकाराम महाराज म्हणतात, या विठ्ठलाला जे जे गुण किंवा जे जे लक्षण आपण ऐकवू त्याच्याविषयी जे काही बोलू ते त्याला शोभूनच दिसते.